تاریخ درج خبر : 1392/03/23
کد خبر : ۱۱۱۰۱
+ تغییر اندازه نوشته -

شعر / انتخابات شورای شهر (طنز) – موسی عباسی

شعر طنز با موضوع انتخابات شورای شهر از آقای موسی عباسی شاعر طنزپرداز هم استانی

61

*انتخابات شورای شهر*

صندوق شورای شهر شرو و کار که

مردمه تا نصپ شو و کار و بار که

ویچنش سی شورایل درد سری بی

ره دادن و من شهر طیفه گری بی

رو ستایل سرحدی تا گرمسیری

ری نهان و من شهر سی رای گیری

کاندیدل بی ماشینل پیت ایوراردن

تا بسا من روستا رهیله بار دن

هر کسی یه پیره مرد بی بغلش بی

یه چپه شنا سنامه من دسلش بی

هر کاندیدی ایدیدی شیرین زبون بی

بی جوون تا پیره مرد یه دل یه جون بی

از بسکه من او یه رو ره بی شمار بی

آدم بی خش مرده بی نومش دیار بی

هر کسی نا امید بی نی خواس بخنده

خش دونس دم دمه صب لرکه بلنده

ره دادن من او یه رو بگر و بسون بی

دالو و پیره مردل مهلی گرون بی

یه گرو شناسنامه من ساک ایکردن

یه گرو من حو نیل مهر پاک ایکردن

مو تری و ماشینل ایزن سر بوق

اندازی دو شهرستان ره دان و صندوق

او عدی که گول ایزن ره مفتکی بی

بیشتر رهیلشو رای تکی بی

آدم بی گرو گرو مشغول شور بی

انتخا بات بر ره هم نه ایطور بی

خلاصه خوبی رهیل من ای یه کار بی

که مردم شرکت کردن ره بی شمار بی

 

** موسی عباسی

خبرهای مرتبط

در صورتی که نظر ارسالی شما طولانی شود، با تأخیر بررسی و تأیید می‌شود.

نکته: نظر شما در انتظار بررسی است و پس از تایید مدیریت در سایت نمایش داده میشود..

200x208
200x208